Arngunnur spilar Mozart

Arngunnur spilar Mozart
Event on 2015-09-10 19:30:00

Yndisfagur klarínettkonsert Mozarts var eitt hans síðasta verk, saminn fáeinum vikum áður en hann lést langt fyrir aldur fram. Um nálgun Mozarts sagði tónlistarfræðingurinn Alfred Einstein – frændi Alberts – að hann hefði „samið fyrir klarínett eins og hann væri fyrstur til að uppgötva þokka hljóðfærisins, mýkt, sætleika og fimi.“ Hér hljómar konsertinn í flutningi Arngunnar Árnadóttur sem tók við stöðu leiðandi klarínettleikara í Sinfóníuhljómsveit Íslands árið 2012. Arngunnur stundaði framhaldsnám við Hochschule für Musik „Hanns Eisler“ í Berlín og brautskráðist þaðan með hæstu einkunn. Arngunnur er einnig ljóðskáld og hefur hlotið mikla athygli fyrir störf sín á þeim vettvangi.

Schumann samdi Vorsinfóníu sína í bráðainnblæstri árið 1841, á aðeins fjórum dögum – og jafnmörgum nóttum. Hún er eitt hans dáðasta verk enda lífleg með eindæmum. Eldur Jórunnar Viðar er tímamótaverk – fyrsta hljómsveitarverk íslensks kventónskálds.

Þýski stjórnandinn Cornelius Meister er aðalstjórnandi Útvarpshljómsveitarinnar í Vínarborg og hefur hlotið fjölda verðlauna fyrir starf sitt þar. Hann hefur einnig stjórnað mörgum helstu hljómsveitum heims, til dæmis Concertgebouw-sveitinni í Amsterdam, og það er því mikið tilhlökkunarefni að fá hann í fyrsta sinn til Íslands með þessa spennandi efnisskrá í farteskinu. Kaupa miða
Dagsetningar:

10. september 2015 19:30
Staðsetning
Eldborg

Verð frá: 2.400 kr. – 6.900 kr.

at Harpa, Reykjavik Concert Hall and Conference Centre
Austurbakki 2
Reykjavík, Iceland

This entry was posted in Sem and tagged , , . Bookmark the permalink.

Leave a Reply