Mið-Ísland

Mið-Ísland
Event on 2014-04-12 00:00:00
Verð: 2.900 kr.
Dagsetning: 12.04.2014
Tími: 20:00

Áfram Mið-Ísland – nú í Hofi

Uppistandshópurinn Mið-Ísland er kominn aftur með glænýja sýningu. Sýning þeirra Mið-Ísland í Kjallaranum sló eftirminnilega í gegn á síðasta ári en áður en yfir lauk var hún sýnd yfir 40 sinnum, bæði í Reykjavík og í Hofi á Akureyri, og voru gestir tæplega 10 þúsund talsins.

Í nýju sýningunni í Hofi munu Mið-Íslendingar kitla hláturtaugar Norðanmanna eins og þeim einum er lagið. Umfjöllunarefnin á þessari tveggja klukkustunda löngu sýningu eru fjölbreytt: fjallað er um ást Íslendinga á sjálfum sér, barnauppeldi, misskilning í fjölskylduboðum, mataræði, fyrirmyndir og margt fleira.

Athygli skal vakin á því að DóriDNA getur því miður ekki verið með okkur á sýningunni í Hofi og mun fóstbróðirinn Þorsteinn Guðmundsson fylla hans skarð – ekki amaleg innáskipting það!

Aðrir meðlimir hópsins – Ari Eldjárn, Bergur Ebbi, Björn Bragi og Jóhann Alfreð – verða að sjálfsögðu á sínum stað.

 Um fyrri sýningar Mið-Ísland hópsins:

 "Yndislegur hópur og meira að segja mestu fýlupkar hljóta að gera hlegið að Mið-Íslandi." – Vera Sölvadóttir

 "Þetta grín náði svo í gegn hjá mér, og að mér heyrðist öðrum í salnum, að ég grét í orðsins fyllstu merkingu úr hlátri" – Mikael Torfason, úr fimm stjörnu dómi í Fréttatímanum.

"Þetta grín Mið-Íslands lengið lífið um einhverjar vikur ef ekki mánuði. Ábyrgist þriggja daga harðsperrur í maga á eftir." – Fanney Birna Jónsdóttir. – Viðskiptaritstjóri Fréttablaðsins.

"Djúpir djókar í bland við nastí yfirborðsgrín. Mið-Ísland eru með puttann á púlsinum og þetta er púlsinn á þér. Tussufínt stöff!" – Dr. Gunni

„Frábær uppistandssýning búin til úr fersku íslensku hráefni! Þú munt hlæja af þér rassinn." – Hrefna Rósa Sætran

"Fagmannlegt, fyndið og frumlegt. Mjög "erlendis." – Logi Bergmann

"Eins og það eru nú margir íslendingar sem fá mann til að skammast sín fyrir að vera íslendingur þá er Mið-ísland hópurinn ekki þar á meðal. Ég skeit *#?!#*$ * úr rassgatinu á mér ég hló svo mikið. Amen" – Andri Freyr Viðarsson, útvarpsmaður.

„Mið-Ísland uppistand er frábær næring…fyrir líkama og sál!" – Pétur Jóhann Sigfússon

 Ef hláturinn lengir lífið stefnir Mið-Ísland að ódauðleika !

at Hof Cultural and Conference Center – Menningarhus
Strandgötu 12
Akureyri, Iceland

Leave a Reply