Neisti – Opnunartónleikar HIMA

Neisti – Opnunartónleikar HIMA
Event on 2015-06-08 20:00:00

Tónleikarnir marka upphaf Alþjóðlegu tónlistarakademíunnar í Hörpu, sumarnámskeiðs og tónlistarhátíðar í Hörpu sem nú er haldin í þriðja sinn dagana 6.-17. júní. Á tónleikunum koma fram tveir ungir einleikarar á fiðlu sem eiga það sameiginlegt að hafa unnið til verðlauna í alþjóðlegu Menuhin fiðlukeppninni 2014. Þetta eru þeir Rennosuke Fukuda frá Japan og Ludvig Gudim frá Noregi, báðir á sextánda aldursári. Með þeim á píanó leikur hinn þekkti breski píanóleikari, Gordon Back, listrænn stjórnandi Menuhin keppninnar og vinsæll meðleikari og leiðbeinandi í Bretlandi.

Á dagskrá verða verk þar sem hinir ungu einleikarar geta látið ljós sitt skína, bæði margslungin meistaraverk eins og sónötur eftir Cesar Frank og Ludwig van Beethoven og fingurbrjótar á við Carmen fantasíu Pablo Sarasate og sónötu nr. 3 eftir Eugéne Ysaÿe. Þessir ungu einleikarar munu taka þátt í námskeiði Alþjóðlegu tónlistarakademíunnar í Hörpu þar sem þeir munu miðla af reynslu sinni og vera öðrum þátttakendum hvatning til dáða. Kaupa miða
Dagsetningar:

08. júní 2015 20:00
Staðsetning
Norðurljós

Verð frá: 2.500 kr.

1.500 kr fyrir ungt fólk 25 ára og yngri, örorku- og ellilífeyrisþega. Afsláttarmiða má nálgast í miðasölu Hörpu.

Ókeypis fyrir börn 12 ára og yngri.

at Harpa, Reykjavik Concert Hall and Conference Centre
Austurbakki 2
Reykjavík, Iceland

This entry was posted in Sem and tagged , , . Bookmark the permalink.

Leave a Reply